Unilibrary. Oliy ta'lim muassasalarining yagona elektron kutubxona axborot tizimi.

Dilim daryoi nurdur

Mashrab o'z ijodi bilan o'zbek adabiyotida xalqchillik, ijtimoiylik va dunyoviylikning chuqurlashuvida, jaholat va bid'atga qarshi kurash g'oyalarining kuchayishida, she'riyat mundarijasini kengayishi va shakllanishida ulkan iz qoldirdi. Ushu to'plamda shunday chizgilar jam.

Умр бахори

Бобур Бобомуроднинг шеърлари одамлар орасидаги меҳр-муҳаббатнинг, юксак инсоний фазилатларнинг қадрига етишга, диёнатни ва эзгуликни унутмасликка даъват этади. Шоир Бобур Бобомуроднинг қўлингиздаги „Умр баҳори“ тўпламига унинг кейинги йилларда ёзган шеърлари жамланган. Уларда, айниқса, Ватан ва мустақиллик мавзуси алоҳида ёритилган.

Исмларнинг сири олами

Исмлар, болага исм бериш, бу билан борлик урф-одатлар, тушунча ва тасаввурлар, хар бир исмнинг маъноси, унинг заминини ташкил қиладиган холатлар ҳалкимизнинг қадимий кадриятларидандир.

Муҳаббат мезони

Ўзбекистон халқ шоири Рамз Бобожоннинг илк насрий асари “ Муҳаббат мезони ” романи Иккинчи жаҳон урушидан кейинги дастлабки йил лардаги Самарқанд, Қизилқум атрофларидаги энди тикланаётган ҳаёт тасвири мужассам.

Томчидил

Шу вақтга қадар шеърлари кўпда эълон қилинавермаган шоир Абдулкарим Баҳриддиннинг ушбу китоби оҳорли тасвир воситаларига бойли- ги, туйғулар самимийлиги, энг муҳими, муаллиф сезимлари ифодасининг табиий экани билан эътиборни тортади. Абдулкарим Баҳриддин - йирик сезимларни кўрнакли ракурсларда тасвирлайдиган шоир. Унинг битганларида қувончу изтироб, топишу йўқотишлар ҳам йирик ва қабариқ.

Бахт тимсоли

Ушбу тўпламдан ижод оламига кириб келаётган Гулҳаё Ашурованинг бир даста шеърлари ўрин олган. Ёш ижодкорнинг ёшлик сурури билан ёзилган шеърлари Сиз азиз мухлисларга манзур бўлса ажаб эмас.

Бадал

Заминовий турк ҳикоячилигининг асосчиси бўлмаган Умар Сайфиддин асарлари бутун дунёда машҳур. Унинг ҳикоялари ахлоқий-маънавий руҳга бой булиб, Туркияда кўп ўқиладигал асарлар сирасига киради. Мазкур тўпламга киритилган ҳикояларда ишонч, ватанпарварлик, фидойилик, дўстлик риоялари тараннум этилади.

Аросатлар ороли

Инсон умри давомида синовларга маҳкум. Олаётган ҳар бир нафасимиз такдир измида экан, бажараётган ишимиз, эришаётган ютуғи, мағлубиятимизни муҳокама қилишнинг ҳожати йўқ. Аммо... «Ҳаракатда баракат» деган ҳикматли сўздаги ҳақиқат ҳар биримизни сергаклантириши лозим, назаримизда. Асар қаҳрамони Қодиржоннинг бошидан кечирганлари фақат такдир ҳукми эмас, балки характер ва ҳаракат уйғунлигининг самараси ҳамдир. Ижодкорнинг мазкур acapи биографик романлиги билан ҳам азиз китобхонларимиз эътиборига тушишига умидвормиз.

Аввалу охир

Ўзининг буюк анъаналарига эга бўлган ўзбек достончилигининг бугунга тараққиётида Ўзбекистон халқ шоири Тўлан Низомнинг ўзига хос ўрни бор. Унинг тарихий ва замонавий мавзудаги қатор достонлари кенг ўқувчилар оммасига яхши маълум.

Абу Абдуллоҳал-Хоразмий ва илмлар таснифи тарихидан

Тақдим этилаётган мазкур китоб ўқувчига илк ўрта асрлардаги илмшунослик тарихи бўйича маълумотлар бериш мақсадида ёзилган бўлиб, унда "Илмлар калитлари" дан беш бўлимнинг ўзбек тилидаги таржимаси илова сифатида биринчи бор ўқувчиларга ҳавола этилади.

Samolyotdagi o'g'irlik

Hukoyalar hajman kichkina bo'lsa-da, ularda katta voqealar, haqiqatlar aks etadi. Ularning mag'zini chaqa olgan kitobxon esa oldin tushunib yetmagan narsalarni anglay boshlaydi. Ushbu hikoyalar to'plami ham jahon adiblarining ana shunday sara ijod namunalaridan tashkil topgan.

Талваса

Ўзбекистон халқ ёзувчиси Тоҳир Маликнинг «Шайта- натнинг турфа олами» туркумига кирувчи «Мурдалар га- пирмайдилар», «Иблис девори» қиссалари билан Сиз — азиз китобхонларни таништирган эдик. Қўлингиздаги бу китоб- дан мазкур туркумдаги учинчи асар — зулм оламидан ҳикоя қилувчи «Талваса» романи ўрин олган. Шунингдек, адиб- нинг таржимонлик фаолияти маҳсули бўлган «Номус ва ажал» қиссаси ҳам бу китобга киритилди. Муҳаббат — ғоят гўзал ва нозик туйғу. У қалбларга нур ва сурур беради. Муҳаббат номус, ҳаё каби фазилатларни ўзига жо қилсагина севиш- ганларга бахт бера олади. Номуссиз муҳаббат эса ишқ ахди- ни ажалга гарифтор этади. Баён этилмиш муҳаббат фожиа- лари ардоқли китобхонларимизни бефарқ қолдирмайди, деган умиддамиз,—

Авлоднома

Қадимий кечмишга эга бўлган ўзбек диёрида тагли-тугли оилалар,сулолалар жуда кўп.Совет тузуми одамлар тақдирига салбий таъсир кўрсатганидек,қадриятлар бобида ҳам бемисл тажовуз,зуғумни амалга оширган эди.Уруғ-аймоғларини,бобокалонларни билиш,ўзликни таниш,элпарварлик қатагонга тортилган эди.Мазкур «Авлоднома» икки жилдлигининг 1-китоби «Оқар дарё»да бир хонадон ортда қолдирган йиллар,замона зайли,катта рўзғорни тиклаш,эл ишига фидойилик,тўғрилик талқин этилади.

Oq atirgulim

Navbahor Rustamova umidli ijodkor yoshlarimiz vakilasi. lining mashqlarida ко' ngilga yaqin fikrlar talaygina. Umid qilamizki, Navbahor qizimiz bundan-da go'zal she' rlar ijod qiladi.

Аvlodlar davoni

O‘zbekiston Respublikasi Prezidentining 2017-yil 13-sentyabrdagi «Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ'ib qilish bo‘yicha kompleks chora-tadbirlar dasturi to‘g‘risida»gi qarorida yosh avlodning ma’naviy- intellektual salohiyati, ong-u tafakkuri va dunyoqarashini yuksaltirishda, ona Vatani va xaiqiga muhabbat va sadoqat tuyg‘usi bilan yashaydigan barkamol shaxsni tarbiyalashda beqiyos ahamiyatga ega bolgan kitobxonlik madaniya­tini oshirishga aiohida e’tibor qaratilgan.

Дийдор орзуси

Бухоро хони Убайдуллохон йирик давлат арбоби ва моҳир саркарда бўлишдан ташқари, Убайдий тахаллуси остида ўзбек, форс-тожик ва араб тилларида маҳорат билан қалам тебратган зуллисонайн шоир ҳам эди. У Шарқ мумтоз шеъриятининг ғазал, рубоий, қитъа, туюқ, маснавий каби ўндан ортиқ жанрларида баракали ижод қилган. Убайдий, хусусан, туркий ва форсий сўз санъатидаги сермаҳсул рубоийнавислардан бўлиб, унинг туркий девонида-430, форсий девонида-418 та рубоий мавжуд. Бу рубоийларда диний-тасаввуфий ғоялар тарғиб қилиниб, илоҳий ва дунёвий ишқ тараннум этилади,шоҳ-шоирнинг Олам ва Одам ҳақидаги фалсафий мулоҳазалари ифодаланади. Улар орасида чарху фалакдан ва замонадан шикоят, панд-насиҳат, бадиҳа ва таржимаи ҳол ҳарактеридаги рубоийлар ҳам анчагина. Илк бор ўзбек ўқувчилари ҳукмига ҳавола этилаётган Убайдий рубоийлари адабиётимиздаги бор бўшлиқни тўлдириб, кенг китобхонлар оммасига манзур бўлади, деб ўйлаймиз.